Aldaǵy 5 jylda Qytaıdyń gazǵa suranysy eselene túsedi
ASTANA. QazAqparat - Taıaý bes jyldyń ishinde Qytaıdyń tabıǵı gazǵa suranysy eselene túsetin bolady. Bul jaıynda Halyqaralyq energetıkalyq agenttiktiń baıandamasynda derekter keltirilgen, dep habarlady Bı-bı-sı.
Bul boljam Qytaı ekonomıkasy ósiminiń kúrt qarqyn alýy jáne el bıliginiń atmosferaǵa zııandy shyǵaryndylardy azaıtý maqsatynda energııa óndirýdi kómirden gazǵa almastyrýǵa talpynysy negizinde jasalǵan.
Agenttik málimetterine sáıkes, Qytaı gazdy syrttan tasymaldaıtyn iri el bolyp qala beredi. Degenmen, qajetti gazdyń shamamen jartysyna jýyǵy ishki resýrstar, onyń ishinde taqtatas gaz esebinen qanaǵattandyrylatyn bolady.
Esterińizge sala keteıik, mamyr aıynyń sońynda Máskeý Eýrodaqtyń Qyrymnyń RF-ǵa qosylýyna baılanysty jasaǵan sanktsııasyna jaýap retinde Beıjińmen Qytaıǵa jylyna 38 mlrd. tekshe metr gaz jetkizý kelisimshartyna qol qoıǵan bolatyn.
