Aldaǵy 5 jylda «KFC» jelisi Qazaqstanda 60 tamaqtandyrý ortalyǵyn ashýdy josparlap otyr
ALMATY. 14 jeltoqsan. QazAqparat /Erbol Turymbetov/ - «KFC» jelisi aldaǵy 5 jylda Qazaqstanda 60 tamaqtandyrý ortalyǵyn ashýdy josparlap otyr. Bul týraly «American Group» kompanııasynyń enshiles «The Caspian International Restaurants Company» JShS mamandar bólimi meńgerýshisi Aıda Egemberdıeva Almatyda ótken baspasóz-lanchta málim etti.
Qazirgi ýaqytta «KFC» jedel tamaqtandyrý oryndarynyń Almatyda - 6, Astanada - 6 núktesi jumys isteıdi. Al olarda 500 astam elimizdiń azamattary qyzmet etedi.
«Keler jyldan bastap 5 jyl ishinde búkil Qazaqstan boıynsha 60 tamaqtandyrý núktesin ashý josparlanýda. Al jeltoqsannyń sońyna qaraı Astanada «Han shatyr» kesheninde jedel tamaqtandyrý jóninen TMD aýmaǵyndaǵy jańa esep berý núktesi ashylady», dedi A. Egemberdıeva.
Onyń aıtýynsha, búginge deıin 37 qyzmetker Basqarma dırektory qyzmetine daıyn. Olar atalmysh sala boıynsha Reseıde, Mysyrda jáne BAÁ-de arnaıy 2 aılyq kýrstardan ótip kelgen. Al jalpy qyzmetkerlerdiń basym bóligi stýdentter bolyp otyr. Sonymen birge, A. Egemberdıeva jańa tamaqtandyrý oryndaryn ashý qarsańynda jańa jumysshylardy qyzmetke alý qarqyndy júrip jatqanyn atap ótti.
