Aldaǵy 5 jylda tsıfrlyq maınıngke tartylatyn ınvestıtsııa kólemin 500 mlrd teńgege jetkizý qajet - Toqaev

NUR-SULTAN. QazAqparat – Aldaǵy 5 jylda tsıfrlyq maınıngke tartylatyn ınvestıtsııa kólemin 500 mlrd teńgege jetkizý qajet. Bul týraly búgin Qazaqstan halqyna Joldaýyn jarııa etken QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«ІT-salasynyń ulttyq bıznespen ózara is-qımyly keleshegi zor baǵyt sanalady. Іri memlekettik jáne jeke kompanııalar sheteldik oıynshylardyń ázirlemeleri men qosymshalaryna ondaǵan mlrd teńge jumsaıdy. Úkimet ónerkásip pen ІT-salasy arasyndaǵy ózara tıimdi yntymaqtastyqty jolǵa qoıýy tıis. Bul árbir salanyń tsıfrlyq ekojúıesin qozǵaýshy kúsh bola alatyn tsıfrlyq tehnologııalyq platforma qalyptastyrýǵa múmkindik beredi», - dedi Memleket basshysy.

Qasym-Jomart Toqaev «málimetterdi» óńdeý men saqtaýda Qazaqstandy halyqaralyq habtardyń birine aınaldyrýǵa múmkindik beretin zańdar qabyldanǵanyn atap ótti.

«Tek ótken jyly ǵana tsıfrlyq maınıngke 80 mlrd teńgeden astam ınvestıtsııa tartyldy. Biraq, munymen toqtap qalýǵa bolmaıdy. Elge álemdik tsıfrlyq alyptardy tartý qajet. Áıtpese muny basqa memleketter jasaıdy. 5 jyldyń ishinde bul saladaǵy ınvestıtsııa kólemin 500 mlrd teńgege deıin jetkizý qajet», - dedi QR Prezıdenti.