Aldaǵy 5 jylda bazalyq zeınetaqy mólsheri ósedi

ASTANA. QazAqparat – Búgin Májilistegi Úkimet saǵatynda QR Áleýmettik kodeksiniń jobasyn tanystyrý kezinde QR Eńbek jáne halyqty áleýmettik qorǵaý mınıstri Tamara Dúısenova zeınetaqy júıesindegi jaǵdaıǵa túsinik berdi, dep habarlaıdy QazAqparat tilshisi.

Mınıstr zeınetaqymen qamsyzdandyrý júıesi týraly aıta kele, bul turǵyda azamattardy 3 sanatqa bólýge bolatynyn atap ótti.

«Birinshi aǵa býyn – 1998 jylǵy 1 qańtarǵa deıin zeınetke shyqqan, tolyq eńbek ótili bar zeınetkerler. Olardyń sany 300 myńnan astam adam. Sonymen qatar, olar bazalyq jáne eńbek zeınetqylaryn memlekettik bıýdjetten alady. Basym kópshiliginiń zeınetaqysy 120 myńnan 160 myń teńgege deıin. Ekinshi sanaty qazirgi býyndy qamtyp otyr. Zeınet jasyna 1998 jylǵy 1 qańtardan keıin jetken. 1998 jylǵy 1 qańtarǵa deıin eńbek ótili bolǵandyqtan, eńbek jáne bazalyq zeınetaqylaryn memlekettik bıýdjetten alyp otyr. Qazir osy toptaǵy zeınetkerler sany 1,9 mln-nan asty. Olardyń sany 2030 jylǵa qaraı 2,6 mln-ǵa deıin jetedi dep mejelep otyrmyz», - dedi T. Dúısenova.

Onyń aıtýynsha, úshinshi býyn – bolashaq zeınetkerler. Olar zeınetke 2038 jyldan keıin shyǵyp, memleketten bazalyq zeınetaqy, BJZQ-dan jınaqtalǵan zeınetaqysyn alatyn bolady.

«Qazirgi jáne bolashaq zeınetkerlerdiń jaǵdaıy qıyndaý. Búgingi zeınetkerler tolqyny úshin aldaǵy 5 jylda bazalyq zeınetaqy mólsheri ósedi, al yntymaqty zeınetaqy mólsheri eń joǵary tabystyń kólemi 46-dan 55 AEK-ke deıin nemese orta aılyq jalaqynyń 70 %-na deıin jetkizý arqyly ósedi. Ózderińiz jaqynda qoldaǵan bul qadamdar qazirgi býyn zeınetkerleriniń tolyq memlekettik qoldaýda bolatyny kórsetedi», - dedi mınıstr.

Onyń sózine qaraǵanda, zeınetaqyny óz jınaqtary esebinen qalyptastyratyn bolashaq zeınetkerler úshin qosymsha jumys berýshilerdiń zeınetaqy jarnasy engiziledi.

«Bul jarna qoldanystaǵy zańda kózdelgen shartty-jınaqtaýshy zeınetaqy júıesi úshin baza qalyptastyrady. Osy oraıda bul toptaǵy azamattar zeınetkerlik jasyna jetkende qazirgi zeınetkerler sekildi zeınetaqynyń 3 túrin alatyn bolady. ıAǵnı, memleket esebinen – bazalyq zeınetaqy, jumys berýshiler esebinen – shartty-jınaqtaýshy zeınetaqy, al óz jınaqtary esebinen - jınaqtaýshy zeınetaqy. Bul is-sharalar azamattardy burynǵy tabysyna sáıkes zeınetaqymen qamtamasyz etedi dep paıymdaımyz», - dedi vedomstvo basshysy.