Aldaǵy 5 jylda aýyl turǵyndaryna 250 mlrd teńge shaǵyn nesıe beriledi
«Aýylda shaǵyn nesıe berý jalǵasatyn bolady. Ótken jyldyń ózinde bul maqsatqa 43,2 mlrd teńge baǵyttaldy. Bul 11 myńnan astam shaǵyn nesıe berýge múmkindik berdi. Onyń 60 paıyzyn startap-jobalar quraıdy. Baǵdarlamany iske asyrý aýylda 11 myń turaqty jumys ornyn qurýǵa múmkindik berdi. Aldaǵy bes jylda 250 mlrd teńge somasyna 50 myń shaǵyn nesıe berý josparlanyp otyr», - dedi agroónerkásiptik keshendi damytýdyń negizgi baǵyttary jáne ınvestıtsııalyq jobalardyń iske asyrylýy týraly baıandaǵan Saparhan Omarov.
Onyń aıtýynsha, eńbek ónimdiligin arttyrý maqsatynda agroónerkásiptik keshendi memlekettik qoldaýdyń tıimdiligin qamtamasyz etý boıynsha jumys júrgizilip jatyr.
«Bul úshin ótken jyly mınıstrlik sýbsıdııalaý tetikterin qaıta qaraıdy. Olar belgili bir salaǵa basa nazar aýdarmaı, biryńǵaı tásildemeni kózdeıtin boldy. Sondaı-aq shaǵyn jáne orta fermerlerdiń sýbsıdııalaýǵa qol jetkizýi shekteri ózgertildi», - dedi ol.