Aldaǵy 5 jylda Astanada 197 shaqyrym jol salynbaq
ASTANA. QazAqparat - Negizgi joba - sol jaq jaǵalaýdy, EKSPO aýdany men oń jaq jaǵalaýdaǵy jańa temirjol vokzalynyń aýdanyn baılanystyraty Uly Dala kóshesi, dep habarlaıdy Astana ákimdiginiń resmı saıty.
Budan bólek, Keńesary kóshesi Kúmisbekov kóshesinen Kishi aınalma jolǵa, Beısekova kóshesine deıin, Seıfýllın kóshesi Pýshkın kóshesine deıin jáne Asan Qaıǵy kóshesi Táshenov kóshesinen Bógenbaı batyr dańǵylyna deıin uzartylady dep josparlanýda.
«Bul qaladaǵy kólik qatynasy jaǵdaıyn túbegeıli ózgertedi. Biz osy máseleni keshendi túrde qarastyramyz», - dedi jýrnalıstermen kezdesýinde Astana qalasy ákiminiń birinshi orynbasary Sergeı Horoshýn. Ol sondaı-aq, Prezıdenttik saıabaqty qalpyna keltirýge qatysty josparlarmen bólisti. «Ol saıabaqtyń osydan 15 jyl buryn salynǵanyn, qazirgi kezde onyń aınalasynda qurylystyń qarqyndy júrip jatqanyn jáne aldaǵy 2-3 jylda qurylystyń tolyq bitetinin eskerip, osy parkke qarasty aýdandy esepke alyp rekonstrýktsııa jasaýdy sheshtik. Dálirek aıtqanda, Táýelsizdik Saraıy jáne «Shabyt» mýzykalyq akademııasynyń aýdany da kúrdeli jóndeýden ótedi. Bári de ashyq túrde bolsyn degen nıetpen, biz konkýrs jarııaladyq. Sondaı-aq, biz jańa ıdeıalardy júzege asyrǵymyz keledi. Ótinishter jyldyń sońyna deıin túsedi dep josparlanýda. Aldyn ala málimetter boıynsha bul konkýrsqa qazirdiń ózinde jıyrmadan asa fırma qatysýda. Onyń nátıjesi boıynsha kúrdeli jóndeý jumystaryn júrgizý jónindegi tujyrymdamanyń jeńimpazy anyqtalady. Osydan keıin jobalyq-smetalyq qujattar jasalady. Kelesi jyly biz atalmysh jumysqa kirisemiz», - dep túıindedi Horoshýn.
