Aldaǵy 5 jylda AÓK salasynda 380 joba iske asyrylady
«Jalpy respýblıka boıynsha bes jyl ishinde 380 ınvestıtsııalyq jobany iske asyrý josparlanyp otyr. Onyń 65 paıyzdan astamyn ımportty almastyrý aıasyndaǵy jobalar quraıdy. Sondaı-aq, bul tizbege agroónerkásiptik keshenniń eksporttyq áleýetin ulǵaıtý, onyń ishinde bordaqylaý alańdary, reprodýktorlar, jylyjaılar boıynsha, sondaı-aq ósimdik sharýashylyǵy ónimderin óńdeý boıynsha birqatar jobalar engizilgen», - dedi agroónerkásiptik keshendi damytýdyń negizgi baǵyttary jáne ınvestıtsııalyq jobalardyń iske asyrylýy týraly baıandaǵan Saparhan Omarov.
Jalpy mınıstrdiń aıtýynsha, jyl saıyn orta eseppen 75-80 jobany iske qosý josparlanyp otyr.
«Bul bizdiń iske asyrýymyz qajet jobalardyń eń az kólemi ekenin atap ótkim keledi. Mınıstrlik jobalarynyń pýly ınvestıtsııalyq jobalardy iske asyrý josparlaryn oblystar ákimdikteriniń pysyqtaýy nátıjesinde keńeıtiledi. Sondaı-aq bul jobalar Memleket basshysynyń 7 iri ekojúıe qurý tapsyrmasynyń ajyramas bóligi bolady. Onyń aıasynda dándi jáne maıly daqyldardy, jemister men kókónisterdi, qantty, et pen sútti óndirý men óńdeý ekojúıelerin qurý jónindegi ınvestıtsııalyq jobalardy iske asyrý josparlanýda», - dedi ol.
Máselen, onyń dereginshe, ósimdik sharýashylyǵynda zákirlik «BioOperations» JShS kásipornymen Soltústik Qazaqstan oblysynda astyq óndirý jáne óńdeý jónindegi ekojúıe qurylýda. Ekojúıe kooperatsııa qaǵıdaty boıynsha astyqty tereńdetip óńdeıtin zaýytty, quramajem zaýytyn, qus keshenin, taýarlyq sút fermasyn jáne osy kásiporyndardy aýyl sharýashylyǵy shıkizatymen qamtamasyz etetin aýyl sharýashylyǵy óndirýshilerin biriktiredi.
«Osyndaı ekojúıelerdi eldiń barlyq óńirlerinde óńirlik mamandanýdy eskere otyryp qurý josparlanýda», - dedi mınıstr.