Aldaǵy 5 jylda 212 sý arnasy tsıfrlandyrylady
«Ótken jyly Túrkistan oblysyndaǵy «K-19» magıstraldy arnasyn tsıfrlandyrý boıynsha birinshi joba sátti júzege asyryldy. Nátıjesinde 45 paıyzǵa kóbirek sý jumsalatyny anyqtaldy. Endi aldaǵy 5 jyl ishinde uzyndyǵy 3,3 myń shaqyrym bolatyn 212 arnany tsıfrlandyrý josparymyzda bar. Osy is-sharalardy iske asyrý 2,2 tekshe metr sýdy únemdeýge múmkindik beredi. Odan basqa, mınıstrlik sý únemdeý tehnologııasy qoldanylatyn alańdardy 2025 jylǵa qaraı 750 myń gektarǵa deıin jetkizýdi usynady», - dedi mınıstr.
Onyń dereginshe, respýblıkalyq menshikte jalpy uzyndyǵy shamamen 20 myń shaqyrym bolatyn 3 298 sýarý jelisi bar. Sol kanaldardyń 60 nashar jaǵdaıda. Bul sýdy tasymaldaý kezinde oryn alatyn joǵary shyǵynnyń negizgi sebebi.
«Arnalardy qalpyna keltirý jumystary turaqty túrde júrgizilýde. Máselen, 2019-2020 jyldary 1734 shaqyrym arna jóndelip, 111,5 gektar sýarmaly jer aınalymǵa engizildi. Bıylǵy jyldyń sońyna deıin 1 050 shaqyrym arnalardy qaıta jańǵyrtý josparlanyp otyr. Bul 78 myń gektar sýarmaly jerdi aınalymǵa engizýge múmkindik beredi», - dedi ol.
Maǵzum Myrzaǵalıevtiń aıtýynsha, 5 jyl ishinde uzyndyǵy shamamen 2,3 myń shaqyrym bolatyn keminde 120 arna qaıta jańartylady. Bul 600 myń gektar jerdi aınalymǵa engizýge múmkindik beredi.
