Aldaǵy 5 jyl kóleminde tikushaq-taksıler paıda bolýy múmkin
ASTANA. QazAqparat - Máskeý bıligi aldaǵy ýaqytta tikushaqtarǵa arnalǵan qoný alańdaryn ornalastyrý syzbanusqasyn jasap shyǵarýdy josparlap otyr. Olardyń keıbiri Máskeý aınalma jolynyń mańyna salynady.
Olar tek tótenshe jaǵdaılardyń saldaryn joıý, jol apatynan zardap shekkenderdi jyldam alyp ketý, quqyqqorǵaý, ormandardy qorǵaý, ekologııalyq monıtorıng sııaqty arnaıy avıatsııa qajettilikteri úshin ǵana emes, sonymen qatar qoǵamdyq tasymaldaýdyń áýe nusqasyn iske asyrý úshin de paıdalanylatyn bolady. Bul týraly ITAR-TASS habarlady.
Máskeý aınalma jolyna Máskeý oblysy jaǵynan keletin jerge on tikushaq alańyn ornalastyrý jobasy qazirdiń ózinde qabyldanyp qoıǵan. Bulardyń sany Máskeý qalasy jaǵynan da kóbeıtiletin bolady. Jalpy jobany aldaǵy bes jylda tolyqtaı iske asyrý josparlanǵan.
Aıta keteıik, tikushaq tasymaldary týraly bastamany eń alǵash ret 2012 jyly sol kezdegi Máskeý oblysynyń gýbernatory Sergeı Shoıgý kótergen bolatyn. Alaıda bul baǵytta jumystar atqarylmaı turǵan.
