Aldaǵy 4 jylda otandyq mashına jasaý salasy qalaı damıdy
«Qosa berilip otyrǵan Qazaqstan Respýblıkasynyń mashına jasaý salasyn damytýdyń 2024 – 2028 jyldarǵa arnalǵan Keshendi jospary bekitilsin. Ortalyq jáne jergilikti atqarýshy organdar jyl qorytyndysy boıynsha 20 qańtardan keshiktirmeı onyń iske asyrylý barysy týraly aqparatty Indýstrııa jáne ınfraqurylymdyq damý mınıstrligine usynýǵa mindetti. Indýstrııa jáne ınfraqurylymdyq damý mınıstrligi jyl qorytyndysy boıynsha 1 aqpannan keshiktirmeı Keshendi jospardyń oryndalý barysy týraly jıyntyq aqparatty QR Úkimetine usynsyn», - delingen Ashyq NQA portalynda jarııalanǵan Úkimet qaýlysynda.
Qujatqa qosymsha berilgen túsindirmege saı, keshendi jospar sheńberindegi jumystardy oryndaýǵa birneshe
«Jobany iske asyrý respýblıkalyq bıýdjetten qarjy qarajatyn talap etedi. Tıisti bıýdjettik ótinimder zańnamada belgilengen tártippen respýblıkalyq bıýdjet komıssııasynyń qaraýyna shyǵarý úshin Qarjy mınıstrligine jiberiletin bolady», - dep túsindirme berilgen qaýlyǵa.
- Mashına jasaý kásiporyndary úshin ortasha ólshengen eksporttyq baǵadan keminde 5% jeńildikpen otandyq metallýrgııa ónimin basymdyqpen jetkizýdi qamtamasyz etetin taý-ken-metallýrgııa jáne munaı-hımııa kesheni kásiporyndarymen kelisimder jasasý;
- Qoldanystaǵy lımıtterdiń shegin keńeıte otyryp, «Ónerkásipti damytý qory» AQ jáne «Qazaqstannyń Damý Banki» AQ arqyly túpkilikti qaryz alýshylar úshin jyldyq 3% syıaqy mólsherlemesi boıynsha mashına jasaý salasyndaǵy jobalardy qarjylandyrý;
- «Damý» KDQ» AQ arqyly túpkilikti qaryz alýshylar úshin jyldyq 6% syıaqy mólsherlemesimen mashına jasaý salasyndaǵy shaǵyn jáne orta bıznes sýbektilerin qoldaý baǵdarlamasyn ázirleý jáne bekitý;
- Qarjy uıymdaryn, onyń ishinde ekinshi deńgeıli bankterdi kepil saıasatyna mashına jasaý kásiporyndary úshin talap etiletin kepildi qamtamasyz etý mólsheriniń qaryz somasynan asyp ketýine tyıym salý týraly normalardy engizý;
- Orta jáne joǵarǵy qaıta bólý ónimderin shyǵaratyn mashına jasaýdaǵy jumys istep turǵan orta bıznes kásiporyndaryna 5 jyl merzimge salyqtyq mindettemelerden bosatý (koperatıvtik tabys jáne qosymsha qun salyǵy). Mashına jasaý úshin ShOB satyp alǵan jabdyqtardy 5 jyl ishinde satýǵa nemese jalǵa berýge tyıym salý qajet.
- Mashına jasaý úshin ınvestıtsııalyq joba sheńberinde ınvestıtsııalar shegin tómendetý:
jańa óndirister qurý boıynsha keminde 2 mln AEK-ten 1 mln AEK-ke deıin;
qoldanystaǵy óndiristerdi keńeıtý jáne jańartý boıynsha 5 mln AEK-ten 2,5 mln AEK-ke deıin.
- Mashına jasaý salasynda kadrlar daıarlaýǵa kásiptik qoǵamdastyqtar men kásiporyndardyń ókilderin tarta otyryp, tájirıbege baǵdarlanǵan orta kásiptik bilim berýdi jetildirýge jáne damytýǵa baǵyttalǵan sharalar keshenin taldaý jáne ázirleý.
Indýstrııa mınıstrliginiń málimetinshe, osy jáne kózdelgen ózge de jumystardy oryndaý aıasynda myna nátıjelerge qol jetkizilmek:
- 2028 jylǵa qaraı eksport kólemi 5,7 mlrd dollarǵa ulǵaıady;
- Eńbek ónimdiligi deńgeıiniń ósimi 81,9 myń dollarǵa jetedi;
- 2028 jylǵa qaraı salanyń negizgi kapıtalyna baǵyttalatyn ınvestıtsııa kólemi 138,4 mlrd teńge bolady.
Keshendi jospar 14 maýsymǵa deıin kópshilik talqylaýda bolady.