Aldaǵy 4 jylda elordada qandaı aýrýhanalar men emhanalar salynady

ASTANA. QazAqparat – Densaýlyq saqtaý mınıstrliginiń usynysy negizinde 2027 jylǵa deıin Astanada birneshe medıtsınalyq uıym salynady. Bul týraly Ashyq NQA portalynda jarııalanǵan «2023-2027 jyldarǵa arnalǵan elordanyń densaýlyq saqtaý júıesin damytýdyń keshendi josparynda» jazylǵan, dep habarlaıdy QazAqparat tilshisi.

Qujatta jazylǵandaı, aldaǵy 4 jylda Astana aýmaǵynda myna medıtsına uıymdaryn salý josparlanǵan:

- Internatsıonalnyı turǵyn alabynda 150 kelýshige arnalǵan medıtsınalyq-sanıtarııalyq alǵashqy kómek kórsetetin obekti salynady - 2025 jyl;

- Óndiris aýdanynda 250 adam qabyldaıtyn ambýlatorııalyq-emhanalyq kesheni salynady - 2025 jyl;

- «Nurly Jol» temirjol vokzaly aýdanynda aýysymyna 500 adam qabyldaıtyn ambýlatorııalyq-emhanalyq kesheni paıdalanýǵa beriledi - 2023 jyl;

- «Prıgorodnyı» turǵyn úı alabynda bir aýysymda 150 adam qabyldaıtyn medıtsınalyq-sanıtarııalyq alǵashqy kómek ortalyǵynyń qurylysy - 2027 jyl;

- «Telman» turǵyn úı alabynda bir aýsymda 500 adam qabyldaıtyn ambýlatorııalyq-emhanalyq kesheni paıdalanýǵa beriledi - 2023 jyl;

- «Capital park» turǵyn úı kesheni aýdanynda bir aýysymda 500 adam qabyldaıtyn ambýlatorııalyq-emhanalyq kesheni salynady - 2025 jyl;

- Jaǵalaý-3 shaǵynaýdany aýmaǵynda bir aýysymda 250 adam qabyldaıtyn ambýlatorııalyq-emhanalyq kesheni salynady - 2025 jyl;

- «Esil» aýdanynda Qazanǵa 70 jyl, Syǵanaq/Almaty jáne Aqmeshit/Saýran kóshesi boıynda bir aýysymda 500 adam qabyldaıtyn ambýlatorııalyq-emhanalyq kesheni salynady - 2027 jyl;

- Beıbarys Sultan kóshesi boıyndaǵy «Saryarqa» aýdanynda bir aýysymda 150 adam qabyldaıtyn ambýlatorııalyq-emhanalyq kesheni salynady - 2023 jyl;

- Jylyna 1500 aýtopsııaǵa jáne 500 000 bıopsııalyq, operatsııalyq materıaldy zertteýge arnalǵan patologııalyq-anatomııalyq bıýro paıdalanýǵa beriledi - 2023 jyl;

- Ulttyq ǵylymı onkologııalyq ortalyǵy salynady - 2023 jyl;

- Ulttyq shuǵyl medıtsınany úılestirý ortalyǵy salynady - 2023 jyl;

- Aqan Seri jáne Eńlik-Kebek kósheleriniń qıylysynda 300 tósektik № 3 Kópbeıindi qalalyq aýrýhana salynady - 2026 jyl;

- Abylaı han dańǵyly men Qobda tuıyq kóshesiniń qıylysynda perınataldyq ortalyq salynady - 2027 jyl;

- Saryarqa aýdanynda Sh. Qosshyǵululy kóshesinde 200 tósektik akýsherlik blok salynady - 2027 jyl;

- № 2 Qalalyq kópbeıindi aýrýhananyń akýsherlik jáne negizgi bloktary arasynda qabyldaý-dıagnostıkalyq kesheni salynady - 2026 jylǵy jeltoqsan;

- «Esil» jáne «Nura» aýdandarynyń shekarasynda ońaltý blogy bar 350 tósektik № 4 Kópbeıindi qalalyq balalar aýrýhanasy salynady - 2027 jyl.

Keshendi jospardy oryndaý úshin 611 mlrd teńge baǵyttalmaq.

Qujat 14 qyrkúıekke deıin kópshilik talqylaýda bolady.