Aldaǵy 30 jylda Internet álemdi eleýli ózgeriske ushyratady - Djek Ma
«Álem ózgerdi, ıaǵnı sońǵy birneshe jylda Internet barsha álemdi ózgertti. Aldaǵy 30 jylda Internet álemdi budan artyq ózgeriske ushyratady. 1,8 mlrd. adam ótken ǵasyrdyń 80-shi jyldarynan keıin ómirge keldi. Búginde olar Internettiń býyny dep sanalady jáne bul býyn únemi jańashyldyqty kútedi. Atap aıtqanda, Internet álemge eleýli úlesin qosty, sonymen qatar keıbir keri áserleri de boldy. Jalpy, biz elektrondy joldy qurý týraly oıladyq pa? ıAǵnı, Azııa men AQSh arasynda, Azııa men Eýropa arasynda joldy qalyptastyrýdy qarastyrdyq pa? Osy elektrondy jumys arqyly kez kelgen shaǵyn bıznes aqysyz túrde jyljyp, bıznesin shyǵynsyz júrgize alady. Osy jolda uıaly telefony bar árbir adam kez kelgen ónimdi saýdalaýǵa qaýqarly bolady. Meniń oıymsha, bul turǵyda oılanǵan durys bolar edi»,-dedi Djek Ma.
Sonymen qatar ol Qazaqstanǵa sapary jaıynda óz oıymen bólisti.
«Men Qazaqstanǵa alǵash kelip otyrmyn. Buǵan deıin ushaqpen Qazaqstan arqyly ótken bolatynmyn, alaıda eshqashan osynda aıaldap kórmeppin. Astanaǵa kelgende Azııa men Ortalyq Azııanyń baılanysyn sezindim. Keshe meıramhanaǵa tamaqtanýǵa barǵanda, Qazaqstanda eýropalyqtar da jáne azııalyqtar da ózderin jaıly sezinetindigin baıqadym»,-dedi ol.
