Aldaǵy 3 jylda Ulttyq qordan bólinetin qarjy qaıda jumsalady
Bul týraly búgin Úkimet otyrysynda QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.
«Sizdiń qaraýyńyzǵa Ulttyq qordan 2021-2023 jyldarǵa arnalǵan kepildendirilgen transfert týraly zań jobasy jáne 2021 jylǵa arnalǵan nysanaly transfert bólý týraly jarlyq jobasy usynylady. Kepildendirilgen transfertti 2021 jyly – 2,7 trln teńge, 2022 jyly – 2,4 trln teńge jáne 2023 jyly – 2,2 trln teńge mólsherinde aıqyndaý usynylyp otyr. Kepildendirilgen transfertti áleýmettik mindettemelerdi qarjylandyrýǵa baǵyttaý usynylady», - dedi mınıstr Úkimet basshysy Asqar Mamınge qarata.
Onyń aıtýynsha, damý baǵdarlamalaryn qarjylandyrýdy ulǵaıtý úshin 2021 jyly Ulttyq qordan 1 trln teńge mólsherinde nysanaly transfertti tartý usynylyp otyr.
«Osylaısha, boljam boıynsha túsimder 2021 jyly 11,4 trln teńge, 2022 jyly – 11,8 trln teńge, 2023 jyly – 12 trln teńgeni quraıdy. Respýblıkalyq bıýdjettiń shyǵystary 2021 jyly 14 trln teńge, 2022-2023 jyldary – 13,9 trln teńge kóleminde boljanýda. Jalpy, áleýmettik-ekonomıkalyq damý boljamy makroekonomıkalyq turaqtylyqty saqtaýǵa, nátıjeli jumyspen qamtýǵa, sonymen qatar ulttyq ekonomıkany turaqty jáne sapaly damytýǵa baǵyttalǵan», - dedi ol.
