Aldaǵy 3 jylda shaǵyn kásipkerlik sýbektileriniń 90 paıyzy óz belsendiligin joǵaltady - frnchaızıng jónindegi maman
ALMATY. Naýryzdyń 3-i. QazAqparat /Erlik Erjanuly/ - Sońǵy 4 jylda shaǵyn kásipkerlik sýbektileriniń sany 2005 jylmen salystyrǵanda 35 paıyzdan astam ulǵaıdy.
Bul búgin Almatydaǵy «Franchaızıng - ózektiligi, problematıkasy, sheshý joldary» dep atalatyn respýblıkalyq konferentsııada aıtyldy, dep habarlaıdy QazAqparat.
«Qazaqstanda shaǵyn kásipkerlik sýbektileriniń sany 1 mıllıonnan asty. Bul eldegi barlyq sharýashylyq sýbektileriniń 92 paıyzǵa jýyǵyn quraıdy. Alaıda aldaǵy 3 jyldyń ishinde jumys istep turǵan franchaızıngtik emes shaǵyn kásipkerlik sýbektileriniń 90 paıyzǵa jýyǵy óz qyzmetin toqtatady nemese belsendiligin joǵaltady», deıdi franchaızıng jónindegi maman Alekseı Matveev. Onyń aıtýynsha, franchaızıng júıesinde álemde árbir 8-shi mınýtta jańa shaǵyn kásiporyn ashylady. Operator fırmalardyń arqasynda bankrottyq óte tómengi deńgeıde. Máselen Halyqaralyq franchaızıng qaýymdastyǵynyń derekteri boıynsha, franchaızıngtik fırmalardyń 8 paıyzǵa jýyǵy ómir súrýge qabiletsiz bop otyr.
