Aldaǵy 3 jylda munaı baǵasy túsýi múmkin

ASTANA. QazAqparat – Ulttyq bank 2025 jylǵa qaraı munaı baǵasy qazirgiden tómen bolatynyn boljap otyr, dep habarlaıdy QazAqparat tilshisi.

Ulttyq banktiń basqarma tóraǵasy Ǵalymjan Pirmatov bazalyq mólsherlemeni kóterý sebepterine arnalǵan brıfıngide osyndaı boljam aıtty.

«Álemdik munaı naryǵynda jaqyn arada Qytaıdaǵy suranys perspektıvalarynyń jaqsarýy, AQSh-taǵy munaı óndirýdiń deńgeıi jáne OPEK saıasaty naryqqa qoldaý kórsetedi. Osy jaıttardy jáne halyqaralyq uıymdardyń boljamdaryn eskersek, munaıdyń baǵasy 2023 jyly – 90 dollar bolmaq. Keıinnen 2024 jyly bir barrel munaı 85 dollarǵa jáne 2025 jyly 79 dollarǵa deıin tómendeıdi», - dedi Ulttyq bank basshysy.

Aıta keteıik, búgin Ulttyq bank bazalyq mólsherlemeniń deńgeıin 16,75% dep belgilegen bolatyn.