Aldaǵy 3 jylda aýyl sharýashylyǵy maqsatynda paıdalanylatyn jerlerdiń bári zertteledi
ASTANA. 14 tamyz. QazAqparat - Aldaǵy 3 jylda aýyl sharýashylyǵy maqsatynda paıdalanylatyn jerlerdiń bári zertteledi. Bul týraly búgin Úkimette ótken selektorlyq keńeste Jer resýrstaryn basqarý agenttiginiń tóraǵasy Qadyrhan Otarov málim etti.
«Aýyl sharýashylyǵy maqsatyndaǵy paıdalanylatyn jerlerdiń jaǵdaıyn aıqyndaý, eseptik málimetterge olardyń naqty aýmaǵyn belgileý jáne olardy tıimdi paıdalaný boıynsha usynystar daıyndaý maqsatynda 2012-2014 jyldar aralyǵynda aýyl sharýashylyǵy maqsatyndaǵy jerlerdi túgendeý kózdeledi. Bul sharany júzege asyrý jumystary 3 jylǵa bólingen jáne osy ýaqyt aralyǵynda elimizdegi barlyq aýyl sharýashylyǵy maqsatynda paıdalanylatyn jerler zertteledi. Bul aýqymdy jumysty shyn máninde 1 jyl aralyǵynda atqarý múmkin emes», - dedi Q. Otarbaev.
Agenttik tóraǵasynyń aıtýynsha, jumys josparyna sáıkes, aǵymdaǵy jyly 300 mln. gektar jerdi túgendeý kózdelgen. Barlyq óńirler boıynsha jumystar bekitilgen kestege saı júzege asýda.
«Bundaı aýqymdaǵy júıeli shara elimizde alǵash ret ótkizilgeli otyr», - dedi agenttik tóraǵasy.
