Aldaǵy 3 kúngi aýa raıy boljamy
NUR-SULTAN. QazAqparat – «Qazgıdromet» RMK 25-27 qarashadaǵy aýa raıy boljamyn usyndy, dep habarlaıdy QazAqparat.
«Elimiz aýmaǵynda kúzgi qubylmalylyq saqtalsa da, qys óz quqyǵyn jıi kórsetip otyr. Aldaǵy kúnderi de keıbir atmosferalyq protsester tez almasatyn bolady: jaýyn-shashyn toqtap, aýa temperatýrasy kúrt tómendeı bastaıdy. Qystyń jaqyndaýyn Qazaqstannyń ońtústik óńirleri de sezinetin bolady: onda termometr baǵandary túnde 8-13 aıazǵa deıin tómendeıdi», - delingen sınoptıkter habarlamasynda.
