Aldaǵy 3 kúnge arnalǵan aýa raıy boljamy

NUR-SULTAN. QazAqparat – Qazgıdromet aldaǵy úsh kúnge arnalǵan aýa raıy boljamyn jarııalady, dep habarlaıdy QazAqparat.

Aldaǵy táýlikterde respýblıkanyń batys jáne ońtústik óńirlerinde ashyq jáne ystyq aýa raıy saqtalady. Elimizdiń soltústik, ortalyq jáne shyǵys óńirlerinde aýa raıynyń qalyptasýyna soltústik tsıklon áser etedi. Sondyqtan jańbyr jaýyp, naızaǵaı oınap, jel kúsheıedi. Aptanyń sońyna qaraı soltústik óńirlerde aýa temperatýrasy tómendeıdi dep kútilýde.

Qazaqstannyń batysynda kúndizgi aýa temperatýrasy +27+38°S shamasynda saqtalady, respýblıkanyń soltústik-batysynda aýa temperatýrasy +25+32°S-tan +20+28°S-qa deıin, soltústiginde +22+27°S-tan +18+23°S-qa deıin tómendeıdi. Al eldiń ortalyǵy men shyǵysynda aýanyń temperatýrasy +18+28°S, ońtústiginde +28+35°S, ońtústik-shyǵysynda +20+30°S shamasynda bolady.