Aldaǵy 3 kúnde Astanada 30 gradýsqa deıin kún sýytýy yqtımal
ASTANA. 10 jeltoqsan. QazAqparat - Aldaǵy 3 kúnde Astanada 30 gradýsqa deıin kún sýytýy yqtımal, dep habarlady Astana ákiminiń resmı saıty.
Qazaqstanǵa soltústik antıtsıklon áser etýde. Osyǵan baılanysty taıaý kúnderde Astanada kún sýytýy yqtımal. Termometr baǵamy -30 gradýsqa deıin jáne odan da tómendeýi múmkin.
«Qazgıdromet» RMK-nyń aldyn ala jasaǵan boljamy boıynsha, erteń elordada kún ashyq bolady. Túnde jáne tańerteń tuman túsýi múmkin. Aýanyń temperatýrasy túnde -31-33 gradýs aıazdy, kúndiz -28 -30 °C-qa deıin salqyndyqty kórsetedi. Soltústik shyǵystan 5-10 m/s jel soǵady.
12 jáne 13 jeltoqsan kúnderi de kún ashyq bolyp, túnde jáne tańerteń tuman túsedi. Aýanyń temperatýrasy túnde -28-33 gradýs aıazdy, kúndiz -25 -30 °C-qa deıin salqyndyqty kórsetedi. Soltústik shyǵystan 2-7 m/s jel soǵady.
