Aldaǵy 20 jylda álemdik energetıkada kómirdiń úlesi qandaı bolmaq
ASTANA. QazAqparat - Aldaǵy 20 jylda adamzat jahandyq energetıkada qoldanystaǵy resýrstyq bazany saqtaıdy. Búgin elordada energetıkalyq sheshimder máselesine arnalǵan konferentsııada «KAZENERGY» qaýymdastyǵy tóraǵasynyń orynbasary Uzaqbaı Qarabalın osylaı málim etti, dep habarlaıdyQazAqparat.
Atap aıtqanda, halyqaralyq energetıkalyq agenttiktiń zertteýine qaraǵanda, 2040 jylǵa qaraı energııany jahandyq tutyný deńgeıi 30 paıyzǵa artady dep kútilýde. Saladaǵy tıisti evolıýtsııaǵa qaramastan, jahandyq energetıka uzaq ýaqyttan beri óziniń resýrstyq qurylymyn saqtap keledi jáne aldaǵy 20 jylda bul baǵytta túbegeıli ózgerister bolmaıdy dep kútilýde.
ExxonMobil kompanııasynyń sońǵy boljamyna súıensek, 2040 jylǵa qaraı tutynylatyn energııa resýrstarynyń 57 paıyzyn munaı men gaz quraıdy, taǵy 20 paıyzy kómirge tıesili bolmaq. ıAǵnı álemdik suranystyń úshten eki bóligi qazba baılyqtarynyń úlesinde shoǵyrlanady.
«Shamamen osyǵan uqsas ara salmaq KAZENERGY-diń ulttyq baıandamasynda jazyldy. Ol málimetter qyrkúıektiń basynda tanystyrylmaq», - dedi Uzaqbaı Qarabalın.
KAZENERGY derekterine qaraǵanda,energııa resýrstaryna suranystyń geografııasy ındýstrııalandyrý belsendi júrip jatqan óńirlerge qaraı aýysýda, bul turǵyda Qytaı, Úndistan, Ońtústik Shyǵys Azııa elderi baıqalyp otyr. Esepteýler boıynsha 20 jyldan keıin Qytaı men Úndistanda munaıǵa suranys barsha Ekonomıkalyq yntymaqtasyq jáne damý uıymyna múshelerimen teń bolady.
Belgili bolǵandaı, munaı jáne gazsalasynda shıkizatty jeńil óndirýdiń dáýiri aıaqtalyp keledi. 2020 jyldan bastap kómirsýtekterdiń aýqymdy transformatsııasy bastalady.
«Qazirgi kezde basym ári qoldanystaǵy ken oryndary óndiriste aıtarlyqtaı óziniń úlesin qysqartady. Jańa ken oryndary endi ǵana kommertsııalyq paıdalaný kezeńin bastaýda», - dep túsindirdi U.Qarabalın.
Budan bólek ol kómir salasynda ekologııalyq taza tehnologııalardy engizýde eleýli shyǵyndar bar ekenin atap ótti. Máselen, osyndaı tehnologııalardyń jańa nusqalary Azııada aldaǵy on jyldyqta engizilýi múmkin, alaıda kómirdiń tonnasy 150 dollardan artyq bolǵan jaǵdaıda ǵana atalǵan ózgerister bolýy yqtımal. Bul kórsetkish kómirdi tutynatyndar úshin qolaıly baǵaǵa qaraǵanda eki esege joǵary.
«KAZENERGY-diń ulttyq baıandamasy aıasynda júrgizilgen esepteýge súıensek, qarqyndy ósimge qaramastan, álemdik elektr energetıkasynda jel jáne kún energetıkasynyń jıyntyq úlesi 2040 jyly 16 paıyzǵa jýyq bolady. Qazirgi kezde bul kórsetkish 6 paıyzǵa teń. Ókinishke qaraı, tolyqqandy jańaratyn energııa kózderi álemdik energetıkada aldyńǵy qatarly rólge ıe bolmaı otyr. Osy oraıda bizge bul qarqyndy barynsha arttyrýǵa tyń joldar men ádisterdi zerdeleý kerek», - dedi Uzaqbaı Qarabalın.
Onyń paıymynsha, álemdik energetıkadaǵy belsendi damýdyń ózinde de 2040 jyly ǵalamshardaǵy jarty mıllıardqa jýyq adamdy elektr energııasyz qalady. Sonymen qatar taǵy eki mıllıardqa tarta adam as-sýymen taǵamdaryn daıarlaý úshin qazba otynyn paıdalanýdy jalǵastyrady.
