Aldaǵy 2 jylda qosymsha jańa 15 halyqaralyq áýe baǵyttary ashylady - J.Qasymbek
ALMATY. 14 qyrkúıek. QazAqparat - Qazaqstanda 2016 jylǵa deıin barlyq áýejaılar qaıta qurylady. Bul búgin Almatyda ótken Halyqaralyq saýda, saýdaǵa járdemdesý jáne saýdaǵa kómek máseleleri boıynsha joǵary deńgeıdegi jahandyq taqyryptyq kezdesýde sóz boldy.
«Qazir elimizdegi 20 áýejaıdyń 15-iniń halyqaralyq mártebesi bar. Olardyń 10-y Halyqaralyq azamattyq avıatsııa uıymynyń sanatyna ıe boldy. 2016 jylǵa deıin barlyq áýejaılardy qaıta qurýdy aıaqtaý josparlanyp otyr. Shet eldermen áýe qatynasy keńeıedi. Aldaǵy 2 jylda qosymsha jańa 15 halyqaralyq baǵyt ashylady», - deıdi QR Kólik jáne kommýnıkatsııa mınıstrliginiń jaýapty hatshysy Jeńis Qasymbek. Onyń aıtýynsha, el úkimeti «Eır Astana» ulttyq áýe kompanııasyna úlken qoldaý kórsetýde. 2011 jyly kompanııa 15 jańa ushaqqa tapsyrys berdi.
