Aldaǵy 2 jylda álemdegi jaǵdaı ýshyqsa, saılaý ótkizý qıyndaıdy – Danııar Áshimbaev
Onyń paıymynsha, qazir bılik babynda tur. Reıtıngi aıtarlyqtaı joǵary. Muny jazdaǵy referendým kórsetken.
«Bıliktiń qolynda búkil kózir turǵanymen syrtqy jáne ishki faktorlar áleýmettik-ekonomıkalyq jaǵdaıdy ýshyqtyryp barady. Joldaýdyń birinshi bóliginde usynylǵan ózgeristerdiń aýqymdy paketi Úkimettiń qabiletine qatysty saýal týyndatady.
Ekonomıkalyq áleýetti asha túsý, ekonomıkany lıberaldandyrý, tarıfpen baǵany retteý saıasatyn qaıta qaraý máselesi ózekti. Qazirgi retteý sharalary májbúrlikten týyndaǵany túsinikti. Bir óńirde baǵany tejep ustaý, sonyń kesirinen taýar tipti syrtqy naryqty qoıyp, ózge óńirlerge kóleńkeli jolmen ketip jatýy aıtarlyqtaı túsiniksiz ahýal týyndatady. Naryqty búkil respýblıka boıynsha baǵany teńestirý arqyly ǵana retteýge bolady. Biraq onyń ekonomıkalyq saldary bolýy múmkin. Bir jaǵynan balama jol joq ta. Joldaýdausynylǵan sharalar ahýaldy orta merzimge turaqtandyrýǵa baǵyttalǵan», - deıdi Danııar Áshimbaev.
Onyń aıtýynsha, ekonomkaǵa áser etetin syrtqy faktorlar negizinen uzaq merzimdi ári jaǵymsyz bolyp shyqty.
«Jazdyń basynda bulaı bolady dep eshkim oılamaǵan. Ýkraınadaǵy jaǵdaı sozylyp barady., AQSh pen Qytaı arasynda teketires kúsheıip tur. Onyńbári álem naryǵyna, Qazaqstan ekonomıkasyna áser etedi. Jaǵdaıdyń ýshyǵýy 2023-2024 jyldarǵa dóp keletin shyǵar. Ol kezde saılaý ótkizsek, aýry tıer edi. Onyń ústine dál qazir saıası sahnada bir arnaǵa toǵysqan oppozıtsııa da joq. Búkil ulttyń kóshbasshysy retinde Prezıdentke básekeles bolatyn tulǵa da joq. Bul eldiń ishki saıası ómirine syrttan aralasý múmkindigin azaıtady. Jahandyq teketirester ýshyǵyp turǵan jaǵdaıda iri oıynshylardyń kóbi baǵyty aıqyndalmaǵan elderdiń az bolǵanyna múddeli», - deıdi sarapshy.
Foto: RBK
