Aldaǵy 2 aptada egin oraǵyn aıaqtaýǵa múmkindik bar
ASTANA. QazAqparat - Aldaǵy 2 aptada egin oraǵyn aıaqtaýǵa múmkindik bar. QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Aýyl sharýashylyǵy mınıstrligi Agroónerkásip keshenindegi memlekettik ınspektsııa komıtetiniń tóraǵasy Saqtash Qasenov osylaı málim etti.
«Qazirgi ýaqytta elimizde 8 oblysta egin orý jumystary óz jalǵasyn tabýda. 4 oblysta egin bastyrý jumystary aıaqtaldy. Olar: Ońtústik Qazaqstan. Aqtóbe, Batys Qazaqstan jáne Almaty oblystary. 3-4 oblysta egin jınaý aıaqtalýǵa jaqyn»,- dedi komıtet tóraǵasy.
Onyń sózine qaraǵanda, elimizdiń eń astyqty óńirleri Aqmola oblysynda 73, Qostanaı oblysynda 66, Soltústik Qazaqstanda 72 paıyz astyq bastyrylǵan.
«Qazir aýa raıyna baılanysty 1-2 kún jumys toqtap qaldy. Degenmen, bizdiń oıymyzsha, kombaınnyń, janarmaıdyń jetkilikti bolýyna baılanysty aldaǵy 2 apta ishinde aýa raıy qolaıly bolsa egin oraǵyn aıaqtaýǵa múmkindik bar», - dedi S.Qasenov.
