Aldaǵy 2-3 jylda Úkimet qarjyny oqýshylardyń jan basyna shaǵyp bóletin bolady
ASTANA. 18 maýsym. QazAqparat -2-3 jyldan keıin elimizdegi bilim salasynda jan basyna qarjylandyrý tetigi jappaı engiziletin bolady.
Bul týraly búgin Májilistegi Úkimet saǵatynda Bilim jáne ǵylym mınıstri Baqytjan Jumaǵulov málim etti.
«Orta bilim sapasyn arttyrý úshin bilim berý uıymdarynda jan basyna qarjylandyrý tetigin engizý jumystary júrip jatyr. Bul jańalyq bıýdjettik shyǵystardy tıimdi paıdalanýǵa múmkindik beredi. Іlki jobaǵa engiziletin mektepter qazirgi tańda irikteldi. Barlyq esepter jasaldy, qarjylandyrý ádistemesi tolyq ázirlendi. Endi 2-3 jyldan keıin osy joba mektepterimizge jappaı engiziletin bolady», - deıdi B. Jumaǵulov.
Budan bólek, mınıstrdiń aıtýynsha, qazirgi ýaqytta Prezıdent tapsyrmasyna sáıkes, elimizde 6 Nazarbaev Zııatkerlik mektebi quryldy. Al 2015 jylǵa qaraı osyndaı 15 mektep salý josparlanǵan. Ondaı mektepter tájirıbesi elimizdiń barlyq óńirine taratylatyn bolady. Bul elimizdegi jalpy bilim sapasyn arttyrýǵa yqpal etedi.
