Aldaǵy 2-3 jylda ósimdik maıy qymbattaıdy - óndirýshiler
ASTANA. QazAqparat - Aldaǵy 2-3 jylda álemdik naryqta ósimdik maıynyń baǵasy kóteriledi, dep habarlaıdy QazAqparat tilshisi.
Bul týraly búgin Astanada ótken «KazOil 2018» halyqaralyq maı-tońmaı konferentsııasynda «Sıngenta Qazaqstan» JShS menedjeri Oljas Tursynqulov málim etti.
«Eki-úsh jyldan keıin álemdik naryqta ósimdik maıy, onyń ishinde kúnbaǵys pen raps maılary qymbattaıdy. Baǵanyń ósetini aıdan anyq, sebebi álem boıynsha palma maıynyń óndirisi azaıyp keledi. Palma maıynyń baǵasy óte arzan jáne ony tehnıkalyq maqsatta jıi qoldanady», - dedi Oljas Tursynqulov.
Onyń aıtýynsha, Qazaqstan búginde 360 myń tonna ósimdik maıyn óndirip otyr, onyń 349 myń tonnasy ishki naryqty qamtamasyz etedi.
«Sońǵy bes jylda Qazaqstan maıly daqyldardy egý alqabyn 5 esege ulǵaıtty. Alaıda, bul kólem tek ishki suranysty óteýge jetedi. ıAǵnı, qazirgi ýaqytta 3 mln gektar jerge maıly daqyldar egiledi. Ásirese, zyǵyr men kúnbaǵys maılaryna erekshe kóńil bólinedi», - dedi O. Tursynqulov.
Aıta keteıik, Astanada ekinshi ret uıymdastyrylǵan «KazOil 2018» halyqaralyq maı-tońmaı konferentsııasy 28-29 qarasha kúnderi ótedi. Qazaqstannyń ósimdik maıyn jıi eksporttaıtyndar qatarynda Tájikstan, Qytaı, Ózbekstan elderi tur.
Jıynnyń ekinshi kúni otandyq jáne halyqaralyq sarapshylar organıkalyq ónimderge qatysty ózekti máselelerdi talqylaıdy.
