Aldaǵy 10 jylda «QazMunaıGaz» munaı shıkizatynyń kólemin jylyna 35,4 mln.tonnaǵa jetkizbek
dep habarlady kompanııanyń baspasóz qyzmetinen.
QMG Basqarma tóraǵasy Lázzat Qıynov óz baıandamasynda Elbasymyz áleýmettik, ekonomıkalyq jáne saıası turǵydan qalyptasqan memleketimizdiń jańa saıası jáne ekonomıkalyq damýy baǵyttaryn aıqyn kórsetkenin atap ótti.
«Elbasy Joldaýynyń jekelegen baǵyttaryn oryndaýǵa QMG iri kómirsýtegi jónindegi jobalardy júzege asyrýǵa tikeleı ózi nemese enshiles kompanııalary arqyly qatysatyn ulttyq holdıng retinde erekshe kóńil bóledi», - dedi L.Qıynov.
Joldaýda búginde álemdik ultaralyq korporatsııalarda damý strategııasyn jarty ǵasyr buryn daıyndaıdy dep anyq kórsetilgen. Bul atalmysh kompanııaǵa da qatysty. «QazMunaıGaz» Ulttyq kompanııasynyń 2022 jylǵa deıingi Damý Strategııasy da jalpy holdıngtiń ekonomıkalyq tıimdiliginiń turaqtylyǵy men eńbek ónimdiliginiń artýyn qarastyrǵan sandyq jáne sapalyq kórsetkishterdi qarastyrady.
Strategııa boıynsha QMG qurylyqta da, teńizde de kómirsýtegi shıkizat qoryn kóbeıtý maqsatynda geologııalyq barlaý jumystaryn kúsheıtýdi, munaı jáne gaz óńdeýdi damytýdy, munaı jáne gaz tasymaldaýdyń ıkemdi júıesin jasaýdy, MÓZ qýatyn jáne munaı ónimderi sapasyn arttyrýdy, sonymen qatar aktıvterdi basqarýdyń tıimdi júıesin jasaýdy, ıaǵnı Prezıdenttiń strategııalyq qujatynda kórsetilgen barlyq naqty tapsyrmalardy oryndaýdy josparlap otyr.
«Aldaǵy 10 jyl ishinde «QazMunaıGaz» Ulttyq Kompanııasynyń qatysýymen óndirýshi kásiporyndar jumysy Teńiz, Qashaǵan jáne Qarashyǵanaq jobalarynyń júzege asyrylý barysynda munaı shıkizatynyń kólemin jáne gaz kondensatyn 2011 jylǵy 21,1 mln. tonnadan 35,4 mln.tonna kórsetkishke jetkizýge baǵyttalady», - dedi Lázzat Qıynov.
Máselen, «Teńizshevroıl» JShS-de munaı óndirý mólsherin 38,6 mln.tonnaǵa arttyrý (bul jobada «QazMunaıGazdyń» úlesi 20 % - 7,7 mln.tonna) kózdelip otyr. 2015 jyly Qashaǵan ken ornynyń jyldyq óndirý kórsetkishi 13 mln tonnany, QMG úlesi 16,81% - 2,3 mln. tonna quraıdy. Bolashaqta Qashaǵan ken ornyn damytý jobasy boıynsha bul jyldyq kórsetkish jylyna 51 mln. tonnaǵa deıin jetpek. Sonymen qatar, kompanııa Qalamqas-teńiz ken ornyn ıgerý boıynsha bas agent retinde tanyldy, bul QMG úshin joǵary mártebe bolyp tabylady.
Qarashyǵanaq jobasynyń damýy úsh satymen júzege asyrylatyn bolady. Sonyń nátıjesinde suıyq kómirsýteginiń jyldyq turaqty ónimi 10,1 mln tonnaǵa jetip, osy oraıda Jobaǵa 10% úlesimen qatysýshy retinde ulttyq kompanııa óziniń óndiristik kórsetkishterine jyl saıyn shamamen 1 mln. tonna munaıdy qosyp alady. Odan basqa óndiris qýatyn keńeıtip, gaz ónimin arttyrý da josparda bar.
