Aldaǵy 10 kúnde elimizdiń energııa júıesi 1 150 MVt-ǵa ulǵaıtylady - mınıstrlik
QR Energetıka mınıstri Maǵzum Myrzaǵalıev Pavlodar oblysynyń elektr stantsııalaryn aralaý barysynda keńes ótkizdi, onda stantsııalardyń jóndeý naýqandaryn oryndaý, Qazaqstan Respýblıkasynyń 2035 jylǵa deıingi energetıkalyq teńgerimin ázirleý jáne Batys Qazaqstannyń qalalary men aýdandaryn eldiń Birtutas energııa júıesine qosý týraly máseleler talqylandy.
Buǵan qosa, mınıstr Ekibastuz GRES-1-de birinshi energııa blogyn qalpyna keltirý jáne Ekibastuz GRES-2-de úshinshi energııa blogyn salý jáne Pavlodar oblysynyń stantsııalarynda jóndeý jumystaryn júrgizý jobalaryn iske asyrý barysymen tanysty.
Ekibastuz GRES-1 energııa blogyn, sondaı-aq Aqsý GRES-indegi týrboagregat pen qazandyq agregatty jóndeý júzege asyrylǵannan keıin jelige qosý boıynsha daıyndyq jumystary aıaqtalýda. Ulttyq elektr jelisine engiziletin jıyntyq qýat 650 MVt bolmaq. Qarasha aıynyń sońyna qaraı Ekibastuz GRES-2-degi energııa blogyn jóndeý aıaqtalmaq, bul eldiń energııa júıesine taǵy 500 MVt qosady.
Mınıstr bul jumystardy 10 kún ishinde aıaqtap, energobloktardy iske qosýdy tapsyrdy. Osylaısha, eldiń energııa júıesi taǵy da 1150 MVt elektr energııasyna ulǵaıady.
Keńes qorytyndysy boıynsha mınıstr energııa óndirýshi uıymdarǵa jóndeýdegi jabdyqtardy ýaqtyly iske qosý úshin barlyq qajetti sharany qabyldaýdy tapsyrdy. Bul rette jóndeý sapasynyń tómendeýine jol berilmeýi kerekú
Sondaı-aq 2022 jyly generatsııalaıtyn jabdyqty jospardan tys ajyratýdy qaterin boldyrmaý úshin jazǵy jóndeý naýqanyn júzege asyrýdy josparlaý boıynsha máseleni Júıelik operatormen pysyqtaýdy tapsyrdy.
Júıelik operatorǵa («KEGOC» AQ) boljamdy teńgerimdi ázirleýshilermen birlesip, Qazaqstan Respýblıkasynyń 2035 jylǵa deıingi energetıkalyq teńgeriminiń qorytyndy nusqasyn 15 qarashadan keshiktirmeı Energetıka mınıstrligine engizý jóninde tapsyrma berildi.
