Aldaǵy jyldary jolaýshylar vagondary 90 paıyzǵa deıin jańarady
ASTANA. KAZINFORM – Júk vagondarynyń sany 150 myńǵa jýyqtady. Bul týraly Úkimet otyrysynda QR Kólik mınıstri Nurlan Saýranbaev málim etti.
- Qazaqstanda júk vagondary naryǵy tolyqtaı básekelestik ortada. Park sany shamamen 147 myń vagondy qurady. Onyń kóp bóligi jekemenshik operatorlarda. Tasymaldaý tıimdiligin arttyrý maqsatynda jańartý jumystary jalǵasyp keledi, - dedi N. Saýranbaev.
Sonymen qatar jolaýshylar vagondaryn jańartý jumystary iske asyp jatyr. Sońǵy jyldary 650-den astam vagon jańartyldy.
- Al 2030 jylǵa qaraı jańartý deńgeıin 90 paıyzǵa deıin jetkizý eskerilgen. Negizgi maqsat – jolaýshylardy qaýipsiz ári jaıly temirjol kóligimen qamtamasyz etý, - dedi mınıstr.
Aıta keteıik, Memleket basshysy Qasym-Jomart Toqaevtyń tapsyrmasyna sáıkes «Qazaqstan temir joly» ulttyq kompanııasynyń vokzal ınfraqurylymyn jańǵyrtý baǵdarlamasy aıasynda respýblıka boıynsha 124 vokzaldy jańǵyrtý jumysy bastalǵan bolatyn.
