Keler jyly Ulttyq qordan qansha qarajat alynady
ASTANA. KAZINFORM — Ulttyq qordyń taza valıýtalyq aktıvteri 2027 jyly 65,2 mlrd AQSh dollary deńgeıinde boljanyp otyr. Bul týraly Quryltaıda 2027–2029 jyldarǵa arnalǵan áleýmettik-ekonomıkalyq damý boljamyn tanystyrý kezinde Ulttyq ekonomıka birinshi vıtse-mınıstri Azamat Ámrın aıtty.
- Kepildendirilgen transfert bıýdjet qaǵıdalaryna sáıkes 2027–2028 jyldary 2 trln 430 mlrd teńge, al 2029 jyly 2 trln teńge mólsherinde aıqyndaldy. Memleket basshysy «úlken qurylys» baǵytyn aıqyndap, sondaı-aq Ulttyq qor qarajatyn paıdalanýǵa jol beriletinin atap ótti. Áleýmettik jáne ınfraqurylymdyq obektilerdi salý jónindegi aýqymdy baǵdarlamany iske asyrý mindeti qoıyldy. Osyǵan baılanysty asa mańyzdy obektiler men jalpy el úshin mańyzy bar jobalardy qarjylandyrý úshin Ulttyq qordan 2027 jyly 2 trln teńge jáne 2028–2029 jyldary jyl saıyn 1,5 trln teńge kóleminde nysanaly transfert kózdeldi, - dedi A. Ámrın.
Onyń aıtýynsha, Ulttyq qordyń taza valıýtalyq aktıvteri 2027 jyly 65,2 mlrd AQSh dollary deńgeıinde boljanyp, 2029 jyly 70,6 mlrd AQSh dollaryna deıin ulǵaıady dep eskerilgen.
Buǵan deıin habarlanǵandaı, búgin Quryltaıda 2027-2029 jyldarǵa arnalǵan respýblıkalyq bıýdjet jobasy tanystyryldy.
