Aldaǵy jyldary Qazaqstanda memlekettik bilim granttary artady

ASTANA. KAZINFORM – Qazaqstanda memlekettik bilim granttary artady.

Búgin Májilistiń jalpy otyrysynan keıin tilshiler depýtat Ashat Aımaǵambetovke «Keleshek» baǵdarlamasyna qatysty suraq qoıdy.

«Keleshek» biryńǵaı erikti jınaqtaý júıesiniń engizilýi memlekettik granttardyń joıylýyna ákelmeıdi. Keler úsh jyldyń bıýdjetin bekittik. Sol bıýdjette granttyń kóbeıýi qarastyrylǵan. Sondyqtan jyl saıyn memlekettik grant arta túsedi», — dedi A. Aımaǵambetov.

Aıta keteıik, búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine aqparat, qoǵamdyq damý, mádenıet jáne arhıv isi salalaryndaǵy normalardyń artyq zańnamalyq reglamenttelýin bolǵyzbaý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy. Memleket basshysynyń tapsyrmasyn oryndaý maqsatynda zań jobasyna «Keleshek» biryńǵaı erikti jınaqtaý júıesiniń qyzmetin reglamentteıtin QR Ǵylym jáne joǵary bilim mınıstrliginiń túzetýleri engizildi.

Eske salsaq, bıyl jazda QR Ǵylym jáne joǵary bilim mınıstrliginiń Joǵary jáne joǵary oqý ornynan keıingi bilim komıteti «Keleshek» baǵdarlamasyna qatysty túsinik berdi. 

«Keleshek» júıesi memleketten bastapqy bilim berý kapıtalyn, memlekettik syılyqaqyny jyl saıyn tóleýdi, ınvestıtsııalyq tabysty kózdeıdi. Bul jınaqtar «Ulttyq qor — balalarǵa» jobasy aıasynda qalyptastyrylǵan qarajatpen birge balalarǵa sapaly bilim alýǵa múmkindik beredi.