Aldaǵy úsh jylda 1300 shaqyrym temir jol iske qosylady - Prezıdent
Bıyl elimizde 850 shaqyrymnan astam jol salyndy. Bul týraly búgin elordada «Altyn sapa» jáne «Paryz» syılyqtarynyń jeńimpazdaryn marapattaý kezinde Memleket basshysy Qasym-Jomart Toqaev málim etti, dep habarlaıdy Kazinform.
«Qazaqstan Eýrazııa qurlyǵynyń dál ortasynda ornalasqan. Batystan Shyǵysqa baratyn negizgi joldar bizdiń elimiz arqyly ótedi. Osy múmkindikti tıimdi paıdalaný kerek», - dedi Qasym-Jomart Toqaev.
Bul turǵyda Prezıdent sapaly jol el ekonomıkasynyń kúretamyry ekenin qadap aıtty.
«Biz avto jáne temir jol jelilerin turaqty damytyp kelemiz. Bıyl 850 shaqyrymnan astam jol saldyq. Aldaǵy úsh jylda 1300 shaqyrym temir jol iske qosylady», - dedi Memleket basshysy.
Budan buryn habarlanǵandaı, Prezıdent úsh jylda agroónerkásip keshenindegi óńdelgen ónim úlesin 70 paıyzǵa jetkizýdi tapsyrdy.
