Aldaǵy úsh táýlikte kún raıy qalaı qubylady

ASTANA. KAZINFORM — «Qazgıdromet» RMK sınoptıkteri 10-12 jeltoqsanǵa arnalǵan aýa raıy boljamyn jarııa etti.

— Aptanyń basynda Soltústik tsıklon jyrasyna baılanysty respýblıkanyń kóp bóliginde aýa raıy turaqsyz bolady. Qar jaýyp, boran soǵady. Eldiń batysynda jaýyn-shashyn (jańbyr, qar) jáne kóktaıǵaq bolady. Eldiń ońtústiginde keń antıtsıklonnyń áserinen jaýyn-shashynsyz aýa raıy saqtalady, — delingen habarlamada.

Aýa temperatýrasynyń birtindep joǵarylaýy kútiledi: túnde eldiń batysynda 0-8 aıazǵa deıin, soltústik-batysynda, soltústiginde 7-15 aıazǵa deıin, Qazaqstannyń ortalyǵynda 10-18 aıazǵa deıin, respýblıkanyń shyǵysynda, ońtústik-shyǵysynda 7-20 aıazǵa deıin, ońtústik oblystarda 5-13 aıazǵa deıin.

Buǵan deıin sınoptıkter jeltoqsan aıynda aýa raıy qandaı bolatynyn aıtyp bergen edi.