Aldaǵy úsh táýlikte elimizdiń aımaqtarynda jańbyr, qar jaýady – Qazgıdromet

ASTANA. KAZINFORM - Atmosferalyq frontaldy bólikterdiń áserinen aldyǵy úsh táýlikte Qazaqstannyń basym bóliginde kún qubylmaly bolady, jańbyr men qar jaýady, dep habarlaıdy Qazgıdromet.

Sondaı-aq onda 2-3 qarashada eldiń ońtústik-shyǵysynda, 3-4 qarashada shyǵysta kún jaýyn-shashynsyz bolady. Respýblıka boıynsha batys, soltústik-batys, ońtústik óńirlerde tuman túsip, soltústikte, ortalyqta ekpindi jel soǵyp, kóktaıǵaq bolady.

Respýblıkanyń batysynda, soltústik-batysynda, soltústiginde kezeńniń sońyna qaraı aýa temperatýrasynyń túnde 0-7 gradýs, kúndiz 2 gradýs aıazǵa deıin kúrt tómendeıdi. Eldiń ortalyǵynda, shyǵysynda aýa temperatýrasy túnde 0-8 gradýs jyly, kúndiz 8-13 gradýs jylyǵa deıin, eldiń ońtústiginde, ońtústik-shyǵysynda túnde 3-13, kúndiz 15-22 gradýs jylýǵa deıin kóterilýi múmkin.