Aldaǵy úsh táýlikte 40 gradýsqa deıin ystyq saqtalady
ASTANA. KAZINFORM — Aldaǵy úsh táýlikte Qazaqstanda aýa raıy turaqsyz bolady. El aýmaǵynyń basym bóliginde ystyq aýa raıy saqtalady.
Eldiń basym bóliginde jaýyn-shashyn negizinen jergilikti jáne ótkinshi sıpatqa ıe bolady, tek soltústik jáne ortalyq óńirlerde qatty jańbyr, burshaq pen qatty jel boljanady.
Eń joǵary temperatýra ońtústikte, ońtústik-shyǵysta, shyǵysta jáne ortalyq aımaqtarda kútiledi, kúndiz aýa temperatýrasy +35...+40°C deıin joǵarylaıdy, al elimizdiń batysynda 1 tamyzdan bastap aýa raıynyń ózgerýi bastalady, aýa temperatýrasy sál tómendeıdi, biraq klımattyq normadan joǵary qalady.
