Aldaǵy úsh kúnde aýa raıy qandaı bolady

ASTANA. KAZINFORM — «Qazgıdromet» RMQ 20-22 qyrkúıekke arnalǵan aýa raıy boljamyn jarııalady. 

— Aldaǵy úsh táýlikte eldiń basym bóliginde aýa raıyn atmosferalyq fronttar aıqyndaıdy. Olarǵa baılanysty jekelegen óńirlerde jańbyr jaýyp, naızaǵaı oınaıdy, jel kúsheıedi, burshaq pen daýyl soǵýy yqtımal. 20 qyrkúıekke qaraǵan túni Qazaqstannyń ońtústik-shyǵysyndaǵy taýly aımaqtarda jańbyr men qar túrindegi jaýyn-shashyn kútiledi. Respýblıkanyń kóptegen óńirlerinde túngi jáne tańǵy saǵattarda tuman boljanady, — delingen «Qazgıdromet» RMQ habarlamasynda.

Aýa temperatýrasynyń aıtarlyqtaı ózgeristeri men aýytqýlary kútilmeıdi, degenmen respýblıkanyń soltústik jartysynda túngi ýaqytta 1-3 gradýsqa deıin úsik júrýi múmkin.

Eske sala keteıik, búgin elimizdiń 16 óńirinde qolaısyz aýa raıy kútiletinin jazǵan edik.