Aldaǵy úsh kúnge arnalǵan aýa raıy boljamy usynyldy

ASTANA. KAZINFORM — Sýyq antıtsıklonnyń ornyn ońtústikten keletin jyly tsıklon basyp, sonyń áserinen qar men boran kútiledi, dep habarlaıdy «Qazgıdromet» RMK baspasóz qyzmeti.

30–31 jeltoqsan kúnderi Aqmola, Pavlodar, Qaraǵandy oblystarynda jáne Ulytaý oblysynda jańbyr aralas qar jaýady. Al Qazaqstannyń ońtústiginde jaýyn-shashyn negizinen jańbyr túrinde bolady dep boljanýda. Respýblıka boıynsha kóktaıǵaq, tuman jáne jeldiń kúsheıýi kútiledi.

30 jeltoqsanda eldiń soltústigi men ortalyǵynda, al 30–31 jeltoqsanda shyǵysynda kúndizgi aýa temperatýrasy mınýs 2 gradýstan plıýs 3 gradýsqa deıin kóteriledi. Al ońtústik óńirlerde 30–31 jeltoqsanda aýa temperatýrasy 5–15 gradýsqa deıin jyly bolady.

Budan buryn kóktaıǵaq kezinde Qazaqstan joldarynda tuzdyń ornyna ne qoldanylatynyn jazǵan edik.