Aldaǵy úsh kúnde jaýyn-shashyndy bolady
ASTANA. KAZINFORM – Respýblıkanyń basym bóliginde atmosferalyq frontaldy bóliktiń ótýine baılanysty turaqsyz aýa raıy saqtalady.
Sonyń saldarynan jańbyr jaýyp, naızaǵaı bolady.
27 mamyrda elimizdiń batysynda, 27-28 mamyrda ońtústiginde, ońtústik-shyǵysynda jáne ortalyǵynda, 28 mamyrda soltústigi men shyǵysynda qatty jańbyr jaýyp, burshaq túsip, ekpindi jel soǵady. Respýblıka boıynsha jeldiń kúsheıýi boljanady.
26-27 mamyr túnderinde eldiń shyǵysynda 2 gradýsqa deıin úsik júrýi múmkin.
Temperatýralyq fon birtindep tómendeıdi: kúndiz batysta +16…+28°S, soltústikte jáne ortalyqta +18…+25°S, shyǵysta +23…+30°S, al ońtústikte +20…+27°S bolady.
Aıta ketelik 26 mamyrda aýa raıy qandaı bolatyny týraly jazǵan edik.
