Aldaǵy úsh kúnde jańbyr jaýyp, jel turady - Qazgıdromet
ASTANA. KAZINFORM - «Qazgıdromet» RMK 2026 jylǵy 2–4 mamyrǵa arnalǵan aýa raıy boljamyn usyndy.
Sınoptıkterdiń málimetinshe, atmosferalyq aǵyndardyń ótýine baılanysty elimizdiń basym bóliginde kún qubylmaly bolady. Kóp óńirde naızaǵaı oınap, jańbyr jaýady.
Ońtústik, ońtústik-shyǵys aımaqtarda, sondaı-aq 4 mamyr kúni soltústik-batysta nóser jańbyr jaýýy yqtımal. Keı jerlerde burshaq túsip, ekpindi jel soǵýy múmkin. Túngi jáne tańǵy ýaqytta respýblıka boıynsha tuman túsýi yqtımal.
Batys, soltústik-batys, soltústik jáne ortalyq óńirlerde túnde 3 gradýsqa deıin úsik júredi.
Kúndiz aýa temperatýrasy birtindep kóteriledi:
batysta +17…+32,
soltústik-batysta +15…+30,
soltústikte +15…+23,
ortalyqta +17…+27 gradýsqa deıin jetedi.
Al shyǵys pen ońtústik-shyǵysta kúndizgi temperatýra tómendep, tıisinshe +14…+25 jáne +13…+23 gradýs shamasynda bolady.
Osyǵan deıin TJM tabıǵatta jáne sý jaǵasynda qaýipsizdik erejelerin saqtaýǵa shaqyrdy.
