Aldaǵy úsh kúnde jańbyr jaýyp, qar túsetin óńirler ataldy

Sınoptıkterdiń boljamynsha, aldaǵy kúnderi atmosferalyq fronttardyń ótýine baılanysty Qazaqstannyń basym bóliginde jańbyr jáne qar túrinde jaýyn-shashyn kútiledi.

 — 20 qazanda kúndiz Pavlodar oblysynda, 21–22 qazanda eldiń shyǵysynda qatty jaýyn-shashyn (jańbyr, qar) boljanady. Tek ońtústikte jaýyn-shashynsyz aýa raıy kútiledi. Eldiń soltústigi men shyǵysynda kóktaıǵaq bolady. Ońtústik jáne ońtústik-shyǵys óńirlerde túnde 1–3 gradýsqa deıin úsik júredi. Respýblıka boıynsha jel kúsheıip, túngi jáne tańerteńgi saǵattarda tuman kútiledi, — delingen habarlamada.

Aýa temperatýrasy:

• Eldiń batysynda: túnde -6…+2°S-qa deıin tómendeıdi, kúndiz +15…+22°S-qa deıin azdap joǵarylaıdy;

• Mańǵystaý oblysynda: túnde +2…+10°S-qa deıin tómendeıdi, kúndiz +21…+26°S-tan +18…+23°S-qa deıin azdap qubylady;

• Aqtóbe oblysynda: túnde 0…+5°S-tan -1…-6°S-qa deıin azdap tómendeıdi, kúndiz +12…+17°S-qa deıin joǵarylaıdy;

• Qostanaı oblysynda jáne eldiń soltústiginde: túnde aýa temperatýrasy -1…-6°S-tan 0…+5°S-qa deıin qubylady, kúndiz +2…+10°S shamasynda bolady;

• Eldiń ortalyǵynda: túnde aýa temperatýrasy 0…+5°S-tan -1…-6°S-qa deıin qubylady, kúndiz +3…+11°S-tan +7…+13°S-qa deıin ózgeredi;

• Eldiń shyǵysynda: túnde 0…+5°S-qa deıin tómendeıdi, kúndiz +2…+7°S-qa deıin azdap tómendeıdi, óńirdiń shyǵysynda -1°S bolady;

• Respýblıkanyń ońtústiginde: túnde aýa temperatýrasy 0…+5°S-qa deıin azdap tómendeıdi, kúndiz +18…+23°S-tan +12…+17°S-qa deıin qubylady;

• Eldiń ońtústik-shyǵysynda: túnde aýa temperatýrasy negizinen 0…+8°S bolady, taýly aýdandarda -3…-8°S-qa deıin tómendeıdi. Kúndiz aýa temperatýrasy +15…+20°S-tan +8…+16°S-qa deıin azdap qubylady.

Budan buryn qarashada Qostanaı oblysynda aıaz ben jylymyq almasatynyn jazdyq.