Aldaǵy úsh kúnde ońtústik-shyǵys óńirde kún +38 °C-ge deıin kóteriledi
ASTANA. KAZINFORM — «Qazgıdromet» RMQ 30 maýsym — 2 shildege arnalǵan aýa raıy boljamyn jarııalady.
— 30 maýsym — 2 shildege arnalǵan Qazaqstan boıynsha aýa raıy boljamy
Aldaǵy kúnderi belsendi tsıklon men oǵan baılanysty atmosferalyq frontaldy bólikterdiń ótýine baılanysty Qazaqstannyń basym bóliginde aýa raıy qubylmaly bolady. Jańbyr jaýyp, naızaǵaı oınaıdy, keı jerlerde burshaq jaýýy, jeldiń ekpindi kúsheıýi kútiledi. Respýblıka boıynsha qatty jańbyr boljanady, — delingen habarlamada.
Kúndizgi aýa temperatýrasy batys jáne soltústik-batys óńirlerde +18…+28 °C-qa deıin tómendeıdi, soltústik óńirlerde +22…+30 °C bolady. Ońtústikte aptap ystyqtyń azdap báseńdeýi kútilip, aýa temperatýrasy +23…+35 °C aralyǵynda bolady.
Al Qazaqstannyń shyǵysynda, soltústik-shyǵysynda jáne ońtústik-shyǵysynda ystyq aýa raıy áli de saqtalady. Bul óńirlerde kúndiz aýa temperatýrasy +30…+38 °C-qa deıin kóteriledi.
Al búgin elimizdiń úsh iri qalasynda aýa raıy qubylmaly bolady. Astanada qatty jańbyr, burshaq pen daýyldy boljandy. Al Almaty men Shymkentte qysqa merzimdi jańbyr men naızaǵaı kútiledi, sonymen qatar kúndiz aýa temperatýrasy +36 gradýsqa deıin kóteriledi.
