Aldaǵy úsh kúnde nóser jańbyr men +38 gradýsqa deıingi aptap ystyq boljandy
ASTANA. KAZINFORM — «Qazgıdromet» RMK 13-15 maýsymǵa arnalǵan Qazaqstan boıynsha aýa raıy boljamyn jarııalady.
Aldaǵy kúnderi Qazaqstan aýmaǵynda atmosferalyq frontaldy bólikterdiń ótýine baılanysty aýa raıy qubylmaly bolady, jańbyr jaýyp, naızaǵaı oınaıdy.
— 13 jáne 15 maýsymda Qostanaı oblysynda, 15 maýsymda Mańǵystaý, Soltústik Qazaqstan jáne Aqmola oblystarynda qatty jańbyr jaýady dep boljanady, — delingen habarlamada.
Búkil kezeń boıy elimizdiń soltústiginde, soltústik-batysynda, al 15 maýsymda ońtústik-batysynda burshaq jaýyp, daýyldy jel soǵýy múmkin. Respýblıka boıynsha jeldiń kúsheıýi kútiledi.
Kúndiz búkil kezeń boıy Shyǵys Qazaqstan jáne Abaı oblystarynda, 14-15 maýsymda Qaraǵandy, Jambyl, Almaty oblystarynda jáne Jetisý oblysynda, 15 maýsymda Atyraý oblysynda qatty ystyq saqtalady.
Aýa temperatýrasy +35…+38°S deıin kóteriledi.
Aıta keteıik, búgin elimizdiń eki qalasynda aýa sapasy tómendeıdi.
