Aldaǵy úsh kúnde kún raıy qandaı bolady

ASTANA. KAZINFORM – «Qazgıdromet» RMK sınoptıkteri 1-2-3 mamyrǵa arnalǵan aýa raıy boljamyn jarııalady. 

Aldaǵy úsh táýlikte Qazaqstan aýmaǵynda atmosferalyq fronttardyń ótýine baılanysty aýa raıy qubylmaly bolady.

Jańbyr jaýyp, naızaǵaı oınaıdy.

Shyǵys jáne ońtústik-shyǵys aımaqtardyń taýly óńirlerinde túnde jańbyr men qar túrinde jaýyn-shashyn túsedi. 2 mamyr kúni respýblıkanyń ońtústik-shyǵysynda jańbyr jaýady, burshaq túsýi múmkin. Qazaqstannyń soltústik-batysynda, soltústiginde, ortalyǵynda jáne shyǵysynda túnde úsik saqtalady. Respýblıka boıynsha jel kúsheıip, túngi jáne tańǵy ýaqytta tuman basady.

Aıta ketelik 12 oblysta órt týyndaý qaýpi bar.