Aldaǵy úsh kúnde Qazaqstanda jańbyr jaýyp, naızaǵaı oınaıdy

ASTANA. KAZINFORM – Sınoptıkterdiń boljaýynsha, Qazaqstanda 13-15 tamyzdaǵy aýa raıy soltústik atlantıkalyq tsıklonǵa baılanysty bolady.

Qazaqstannyń basym bóliginde kún qubylyp turady, jańbyr jaýyp, naızaǵaı oınaıdy, ekpindi jel soǵady, burshaq jaýady, dep boljaıdy sınoptıkter.

- 13 tamyzda elimizdiń soltústik-batysynda, soltústiginde, 14-16 tamyzda batysta, soltústik-batysta, soltústikte qatty jańbyr jaýady. Qazaqstan boıynsha jel kúsheıedi. Qazaqstannyń ońtústiginde jáne shyǵysynda kúndiz +35+38°C qatty ystyq kútiledi, termometr +18+26°C-tan +22+33°C-qa deıin aýytqıdy, dep habarlady «Qazgıdromet» RMK.

Qazgıdromet osyǵan deıin úsh óńirde aptap ystyq bolatynyn eskertti.