Aldaǵy úsh kúnde qaı óńirlerde qar jaýyp, kóktaıǵaq bolady
ASTANA. KAZIFORM — «Qazgıdromet» RMK sınoptıkteri 2026 jylǵy 10–12 qarashaǵa arnalǵan Qazaqstan aýmaǵy boıynsha aýa raıy boljamy jarııalady.
Sınoptıkterdiń boljamynsha, aldaǵy úsh táýlikte respýblıkanyń basym bóliginde aýa raıy turaqsyz bolady dep boljanady.
— Jańbyr jáne qar túrinde jaýyn-shashyn, keı ýaqyttarda qatty jaýyn-shashyn (jańbyr, qar) kútiledi. Kóktaıǵaq bolady. Tek elimizdiń batysynda 11–12 qarasha kúnderi jaýyn-shashynsyz aýa raıy kútiledi. Respýblıka boıynsha jeldiń kúsheıýi, túngi jáne tańerteńgi saǵattarda tuman boljanady, — delingen habarlamada.
Aýa temperatýrasynyń negizgi fony kúndiz elimizdiń batysynda +3…+12°S, soltústik-batysynda 0…+8°S, soltústiginde, shyǵysynda jáne ortalyǵynda −3…+5°S, ońtústiginde jáne ońtústik-shyǵysynda +2…+10°S bolady.
Osydan buryn Pavlodarda qarasha aıy klımattyq normadan 2 gradýsqa jyly bolatyny aıtyldy.