Aldaǵy úsh kúnde qar jaýyp, 16 gradýsqa deıin aıaz bolady

Qazgıdromet sınoptıkteri 18-20 qarasha aralyǵyna arnalǵan aýa raıy boljamyn usyndy, dep habarlaıdy Kazinform. 

Aldaǵy kúnderi belsendi Soltústik tsıklonynyń áserinen QR basym bóliginde jaýyn-shashyn jaýady.

18 qarashada — soltústik-batysta, soltústikte, 19 qarashada — elimizdiń shyǵysynda qatty jaýyn-shashyn jaýady. Jańbyrdyń sońy qarǵa ulasady.

19-20 qarashada elimizdiń ońtústiginde, ońtústik-shyǵysynda jańbyr men qar jaýady.

Jaýyn-shashynmen qatar respýblıkanyń soltústik-batysynda, soltústiginde kóktaıǵaq jáne burqasyn bolady.

20 qarashaǵa qaraı soltústik-batys antıtsıklonyna baılanysty sýyq aýa massalary keledi.

Bul Qazaqstannyń basym bóliginde temperatýranyń kúrt tómendeýine ákeledi.

Máselen, soltústik-batysta túngi ýaqytta 3-13 gradýsqa deıin aıaz, kúndiz 7 aıaz — 5 jyly, soltústikte, ortalyqta, shyǵysta túnde 8-16 aıaz, kúndiz 2-10 aıazǵa deıin tómendeıdi.

Temperatýranyń tómendeýi ońtústik aımaqtarǵa da áser etedi.

Munda túngi ýaqytta 3 aıaz-7 jyly, kúndiz 5-15 jyly, ońtústik-shyǵysta túnde 6 aıazǵa deıin-6 jyly, kúndiz 5 aıaz-13 jylyǵa deıin almasady. 

Respýblıka boıynsha jel qarqyny 15-29 m/s deıin kúsheıip, tuman túsedi. 

Soltústik-batys, soltústik aımaqtarda jeldiń ekpini 30 m/s asady.