Aldaǵy úsh kúnde qar aralas jańbyr jaýyp, úsik júredi
ASTANA. KAZINFORM – «Qazgıdromet» RMK 16-18 mamyr kúngi aýa raıy boljamyn jarııalady.
Eldiń batys jáne ońtústik óńirleri ońtústik tsıklonnyń yqpalynda bolady. Bul óńirlerde naızaǵaı oınap, ótkinshi jańbyr jaýady, al 18 mamyrda batysta qatty jańbyr men burshaq kútiledi.
16–17 mamyr túnderinde atmosferalyq fronttardyń ótýine baılanysty eldiń soltústigi men shyǵysynda jaýyn-shashyn (jańbyr, qar) boljanady. Respýblıka boıynsha jel kúsheıip, al ońtústikte shańdy daýyl bolady. Soltústik pen shyǵysta túngi jáne tańǵy ýaqytta tuman túsedi.
Túngi ýaqytta eldiń soltústiginde, shyǵysynda jáne ortalyǵynda 1–6 gradýsqa deıin úsik júrýi múmkin.
Kúndizgi aýa temperatýrasy:
- batysta +30…+37°C-tan +25…+30°C-qa deıin tómendeıdi;
- soltústik-batysta +25…+30°C;
- soltústikte +20…+30°C-tan +15…+20°C-qa deıin tómendeıdi;
- ortalyqta +25…+30°C-tan +29…+34°C-qa deıin joǵarylaıdy;
- shyǵysta +12…+20°C;
- ońtústikte +30…+35°C-tan +33…+40°C-qa deıin joǵarylaıdy;
- ońtústik-shyǵysta +18…+25°C-tan +25…+32°C-qa deıin kóteriledi.
Aıta ketelik búgin 4 qalanyń aýa sapasy tómendeıtini týraly jazǵan edik.
