Aldaǵy úsh kúnde elimizge arktıkalyq sýyq keledi

ASTANA. KAZINFORM — Qazgıdromet sınoptıkteri 4-6 mamyr aralyǵyna arnalǵan úsh kúndik aýa raıy boljamyn jarııalady. 

Elimizdiń soltústik jáne batys aımaqtarynyń turǵyndary kóktemgi jylýdy sezinip úlgermeı jatyp qaıtadan arktıkalyq sýyqpen qaýyshady.

Munyń sebebi — qysym óristeriniń jyldam ózgerýinen.

Soltústik jáne ońtústik tsıklondardyń skandınavııalyq antıtsıklonmen almasýy Qazaqstan aýmaǵyna jaýyn-shashyn men salqyn aýa raıyn ákeledi.

Barents teńizinen yqqan sýyq aýa massalarynyń basyp kirýi aýa temperatýrasynyń tómendeýine ákelip soǵady.

Túnde respýblıkanyń soltústik-batysynda, soltústiginde jáne ortalyǵynda termometr baǵany mınýsty kórsetedi. 

Jaýyn-shashyn jaýyp, onyń sońy qarǵa ulasady.

Al ońtústik oblystarda kún kúrkirep, burshaq jaýyp, jańbyr jaýatynyna qaramastan kóktemgi jyly aýa raıy saqtalady.