Aldaǵy úsh kúnde eldiń kóp bóliginde kún salqyndaıdy
ASTANA. KAZINFORM – Qazgıdromet 21–23 shildege arnalǵan Qazaqstan boıynsha aýa raıy boljamyn jarııalady.
Qazaqstannyń basym bóliginde aýa raıy qubylmaly bolady.
Atmosferalyq fronttyń ótýine baılanysty elimizdiń kóptegen óńirinde jańbyr jaýyp, naızaǵaı oınaıdy, jel kúsheıedi. Keı jerlerde qatty jańbyr jaýyp, burshaq túsip, daýyl soǵýy múmkin.
Jaýyn-shashynnyń áserinen aptap ystyq birtindep báseńdeıdi. Kúndiz aýa temperatýrasy:
elimizdiń soltústigi men soltústik-batysynda +20…+30°C;
ortalyǵy men shyǵysynda +22…+35°C;
ońtústigi men ońtústik-shyǵysynda +27…+35°C bolady.
Tek elimizdiń batysynda Irannan keletin ystyq aýa massalarynyń áserinen joǵary temperatýra saqtalyp, aýa temperatýrasy +30…+42°C-qa deıin kóteriledi.
Aıta ketelik elimizdiń batysy men soltústiginde jaýyn-shashyndy bolatyny týraly jazǵan edik.
