Aldaǵy úsh kúnde eldiń keı óńirinde 16 gradýsqa deıin aıaz bolady
ASTANA. KAZINFORM — «Qazgıdromet» RMK 2026 jylǵy 12–14 qarashaǵa arnalǵan Qazaqstan aýmaǵy boıynsha aýa raıy boljamyn jarııalady.
Sınoptıkterdiń boljamyna sáıkes, aldaǵy úsh táýlikte respýblıkanyń basym bóliginde aýa raıy qubylmaly bolady dep boljanady.
— Jańbyr jáne qar túrinde jaýyn-shashyn kútiledi. Eldiń ońtústik-shyǵysyndaǵy taýly aýdandarda qatty jaýyn-shashyn (jańbyr, qar) jaýyp, kóktaıǵaq boljanady. Jekelegen kúnderi eldiń batysynda, soltústiginde, ortalyǵynda, al 13 qarashadan bastap ońtústiginde jaýyn-shashynsyz aýa raıy kútiledi. Respýblıka boıynsha jel kúsheıedi, eldiń shyǵysynda jaıaý burqasyn soǵady. Túngi jáne tańerteńgi saǵattarda tuman kútiledi, — delingen habarlamada.
Aýa temperatýrasy:
-
Batysta: túnde 2–9 gradýs jylyǵa deıin joǵarylaıdy, kúndiz 8–17 gradýs jyly bolady.
-
Soltústikte: túnde 2–10 gradýs aıazǵa deıin tómendeıdi, kúndiz negizinen 2 gradýs aıaz ben 5 gradýs jyly aralyǵynda bolady.
-
Ortalyqta jáne shyǵysta: túnde 5–15 gradýs aıazǵa deıin tómendeıdi, kúndiz negizinen 3 gradýs aıaz ben 5 gradýs jyly aralyǵynda bolady.
-
Ońtústikte: túnde 1–8 gradýs aıazǵa deıin tómendeıdi, kúndiz 5–12 gradýs jylyǵa deıin joǵarylaıdy.
-
Ońtústik-shyǵysta: túnde 3–8 gradýs, taýly aýdandarda 11–16 gradýs aıaz bolady. Kúndiz 2–10 gradýs jylyǵa deıin joǵarylaıdy, taýly aýdandarda 1–6 gradýs aıaz bolady.
Osyǵan deıin almatylyqtar jańbyrdan keıingi jaǵdaıǵa shaǵymdanyp jatqanyn jazǵanbyz.
