Aldaǵy úsh kúnde batysta jańbyr, shyǵysta qar jaýady
ASTANA. KAZINFORM – Qazgıdromet 3–5 qarashaǵa arnalǵan Qazaqstan aýmaǵy boıynsha aýa raıy boljamyn jarııalady.
Antıtsıklonnyń áserinen Qazaqstannyń basym bóliginde jaýyn-shashynsyz aýa raıy saqtalady.
Tek eldiń batysynda 4–5 qarashada soltústik-batys tsıklonynyń jaqyndaýyna baılanysty jańbyr jaýady, keı jerlerde qatty jańbyr kútiledi. 3 qarashada shyǵys óńirlerde atmosferalyq fronttardyń áserinen jaýyn-shashyn, keı ýaqyttarda qatty jaýyn-shashyn (negizinen qar túrinde), sondaı-aq kóktaıǵaq qubylystary boljanady.
Respýblıka boıynsha jeldiń kúsheıýi, túngi jáne tańerteńgi ýaqytta tuman kútiledi.
Batys óńirlerde kúndiz aýa temperatýrasy +13+21°S-tan +6+19°S-qa deıin, ońtústik-shyǵysta +13+18°S-tan +10+15°S-qa deıin tómendeıdi. Qazaqstannyń qalǵan aýmaǵynda aýa temperatýrasynyń aıtarlyqtaı ózgerýi kútilmeıdi.
Aıta ketelik 2 qarashada Qazaqstannyń keı óńirlerinde jol jaǵdaıy kúrdelenýi múmkin ekendigin jazǵan edik.
